Abantu 7 omuri Ibanda bariyo nibajanjaabirwa ah’eirwariro erya Kagongo bwanyima y’okworeka obubonero bw’endwara ya Kooto.
Kurugiirira ahabashaho omu disiturikiti egi, aba nibagambwa kuba batandikire kurwara bwanyima y’okurya ente eyefeereire.
Abarwaire harimu Robert Sekirembe, Deo Ndyaguma n’abandi, abatuura kuruga omugomborora ya Keihangara.
Aba batwairwe omu eirwariro bwanyima y’okutunga obubonero nk’okuzimba emikono hamwe n’ebironda.
Okurugiirira ahari Vincent Mugisha, orikureebuza endwara z’ebigwererezi omuri Ibanda, aba bakarya ente eyefeereire ei bayebaagiire.
Abarwaire 5 nibo babandize kuretwa ah’eirwariro eri kandi nabwanyima eizooba erya nyomwabazyo, nikwo abandi 2 kwija.
Okurugirira ahamushaho w’amatungo ahabwa disiturikiti eya Ibanda Hillary Arinaitwe, naagira ngu n’obu hariho abarwaire abaine obubonero burikweshushaniriza endwara ya Kooto, beitu omumatungo tibaine bubonero bwona.
Isingirotv Ug